တမူးမြို့မှာ လွှတ်တော်ကိုယ်စားလှယ်နေအိမ် လက်ပစ်ဗုံးဖြင့်ပစ်ခံရ
တမူး -ဒီဇင်ဘာ-၄-၂၀၁၉
ရန်နိုင်စိုး
အိန္ဒိယနယ်စပ်မြို့ဖြစ်တဲ့ စစ်ကိုင်းတိုင်း တမူးမြို့က အမျိုးသားလွှတ်တော်ကိုယ်စားလှယ် ဦးမောင်မောင်လတ်အိမ်ကို ဒီဇင်ဘာလ ၃ ရက်နေ့ညက အမည်မသိလူနှစ်ဦး ခ်ဥ္းကပ္လာျပီး လက်ပစ်ဗုံးနဲ့ ပစ်သွားပါတယ်။
ပစ်ချသွားတဲ့ လက်ပစ်ဗုံးဟာ ၉၁ အမျိုးစားလက်ပစ်ဗုံးဖြစ်ပြီး စနစ်တံပြုတ်လျှက်သားအနေထားနဲ့ အိမ်ဝန်းထဲရောက်ရှိခဲ့ပေမယ့် ပေါက်ကွဲတာတော့ မရှိခဲ့ဘူးလို့ သိရပါတယ်။
” ဗုံးက မပေါက်ပါဘူး။ ဘယ်သူဘယ်ဝါလုပ်တယ်ဆိုတာတော့ စုံစမ်းရှာဖွေနေဆဲပါ။ စစ်တပ်ကတော့ ယူသွားတယ် ” လို့ တမူးမြို့နယ် ဒုရဲမှုးသိန်းနိုင်က ပြောပါတယ်။
အခုလို လုပ်ကြံသူဟာ မည်သူမည်ဝါဆိုတာမသိရသေးပေမယ့် ဒါဟာ လွှတ်တော်ကိုယ်စားလှယ်တွေရဲ့ လုံခြုံရေးအတွက် စိန်ခေါ်မှုတရပ်ဖြစ်တယ်လို့ နေအိမ် လက်ပစ်ဗုံးနဲ့ ပစ်ခံရတဲ့ အမျိုးသားလွှတ်တော်ကိုယ်စားလှယ် ဦးမောင်မောင်လတ်က ပြောပါတယ်။
” ကျနော်က နေပြည်တော်ရောက်နေတာ။ အိမ်ကဆက်မှ သိရတာ။ တမူးမြို့နယ်အုပ်ချုပ်ရေးမှုးကလည်း အကြောင်းကြားလာတယ်။ တရားခံအမြန်ဆုံးဖမ်းနိုင်အောင်ရှာဖွေနေတယ်ပေါ့။ ကျနော့်မှာတော့ ဘာရန်ညိုးရန်စမှ မရှိပါဘူး။ ခက်တာက ကျနော်တို့က နယ်စပ်မြို့ဆိုတော့ လူကစုံတယ်။ တမူးမှာ လက်နက်နဲ့ပစ်တယ်ဆို တရားခံဘယ်သူဘယ်ဝါမှန်းမသိရတာများတယ်။ ကျနော်တို့ လွှတ်တော်ကိုယ်စားလှယ်တွေ လုံခြုံရေးဟာ အမြဲခြိမ်းခြောက် ခံနေရတာ။ အနယ်နယ်အရပ်ရပ်က လွှတ်တော်ကိုယ်စားလှယ်တွေလဲ ကြုံတွေ့နေရတယ်။ ရဲဆိုတာက အင်အားက လုံလောက်မှုက ဘာမှသိပ်ရှိတာမဟုတ်ဘူး။ ကျနော်တို့က နိုင်ငံရေးသမားဆိုတော့ လုပ်စရာရှိတဲ့ အလုပ်ကို ဆက်လုပ်ရမှာပဲ။ အခုဖြစ်စဉ်နဲပတ်သတ်ပြီး ဘာပြောချင်လဲဆိုတော့ ကျနော်တင်မကဘူး လွှတ်တော်ကိုယ်စားလှယ်အားလုံးရဲ့ လုံခြုံရေးအတွက်ပါ စိန်ခေါ်မှုတရပ်ဖြစ်နေတယ်လို့ ပြောချင်ပါတယ် ” လို့ ပြောပါတယ်။
လွှတ်တော်ကိုယ်စားလှယ်ရဲ့ မိသားစုဝင်တွေမျက်မြင်အရတော့ ဆိုင်ကယ်စီးနင်းလာတဲ့ လူနှစ်ယောက်က နေအိမ်ရှေ့မှာ ဆိုင်ကယ်ရပ်တန့်ခဲ့ပြီး ဗုံးကို ပစ်ချသွားတာ ဖြစ်တယ်လို့ ဆိုပါတယ်။
မြို့နယ်တချို့က လွှတ်တော်ကိုယ်စားတွေမှာလဲ အလားတူ ပုံစံအမျိုးအမျိုးနဲ့ ခြိမ်းခြောက်ခံရတာတွေအပါဝင် အကြမ်းဖက်ခံရတာတွေလဲ ရှိနေပြီး ပြီးခဲ့တဲ့ နိုဝင်ဘာလအတွင်းမှာလဲ ရခိုင်ပြည်နယ်နဲ့ ချင်းပြည်နယ်အစပ် ပလက်ဝမြို့နယ်က လွှတ်တော်ကိုယ်စားလှယ်ဦးဝှေတင်း ကို AA လက်နက်ကိုင်အဖွဲ့က ဖမ်းဆီးခေါ်ဆောင်ခြင်းကို ခံခဲ့ရပါတယ်။
စစ်ကိုင်းတိုင်းတမူးမြို့မှာ အိန္ဒိယခွဲထွက်ရေးသူပုန်တချို့ ပုံစံမျိုးစုံနဲ့ နေထိုင်သလို တချို့ဆိုရင် ကလေးမြို့ဘက်တွေထိ ရောက်ရှိပျံ့နှံ့နေထိုင်ကြတယ်လို့ ဒေသခံတွေ အပြောအရသိရပါတယ်။ မြန်မာအစိုးရက အိန္ဒိယနဲ့တွေ့တဲ့အခါတိုင်း ဒီခွဲထွက်ရေးသူပုန်တွေကို တိုက်ထုတ်ပေးပါ့မယ်လို့ ကတိတွေပေးခဲ့သလို အိန္ဒိယဘက်က အကူညီတွေလည်း မကြာခဏ ယူရတဲ့ အထောက်အထားတွေ ရှိခဲ့ပါတယ်။
#voiceofmyanmar #တမူး #အိန္ဒိယခွဲထွက်ရေးသူပုန် #ကသည်း #လွှတ်တေ်ာအမတ်အိမ်ဗုံးပစ်ခံရ
Zawgyi
တမူးၿမိဳ႕မွာ လႊတ္ေတာ္ကိုယ္စားလွယ္ေနအိမ္ လက္ပစ္ဗုံးျဖင့္ပစ္ခံရ
တမူး -ဒီဇင္ဘာ-၄-၂၀၁၉
ရန္နိုုင္စိုုး
အိႏိၵယနယ္စပ္ၿမိဳ႕ျဖစ္တဲ့ စစ္ကိုုင္းတိုုင္း တမူးျမိဳ႕က အမ်ိဳးသားလႊတ္ေတာ္ကိုယ္စားလွယ္ ဦးေမာင္ေမာင္လတ္အိမ္ကိုု ဒီဇင္ဘာလ ၃ ရက္ေန႔ညက အမည္မသိလူႏွစ္ဦးခ်ဥ္းကပ္လာၿပီး လက္ပစ္ဗုံးနဲ႔ ပစ္သြားပါတယ္။
ပစ္ခ်သြားတဲ့ လက္ပစ္ဗုံးဟာ ၉၁ အမ်ိဳးစားလက္ပစ္ဗုံးျဖစ္ၿပီး စနစ္တံျပဳတ္လွ်က္သားအေနထားနဲ႔ အိမ္ဝန္းထဲေရာက္ရိွခဲ့ေပမယ့္ ေပါက္ကြဲတာေတာ့ မရွိခဲ့ဘူးလို႔ သိရပါတယ္။
” ဗုံးက မေပါက္ပါဘူး။ ဘယ္သူဘယ္ဝါလုပ္တယ္ဆိုတာေတာ့ စုံစမ္းရွာေဖြေနဆဲပါ။ စစ္တပ္ကေတာ့ ယူသြားတယ္ ” လို႔ တမူးၿမိဳ႕နယ္ ဒုရဲမႈးသိန္းႏိုင္က ေျပာပါတယ္။
အခုလို လုပ္ႀကံသူဟာ မည္သူမည္ဝါဆိုတာမသိရေသးေပမယ့္ ဒါဟာ လႊတ္ေတာ္ကိုယ္စားလွယ္ေတြရဲ႕ လုံၿခဳံေရးအတြက္ စိန္ေခၚမႈတရပ္ျဖစ္တယ္လို႔ ေနအိမ္ လက္ပစ္ဗုံးနဲ႔ ပစ္ခံရတဲ့ အမ်ိဳးသားလႊတ္ေတာ္ကိုယ္စားလွယ္ ဦးေမာင္ေမာင္လတ္က ေျပာပါတယ္။
” က်ေနာ္က ေနျပည္ေတာ္ေရာက္ေနတာ။ အိမ္ကဆက္မွ သိရတာ။ တမူးၿမိဳ႕နယ္အုပ္ခ်ဳပ္ေရးမႈးကလည္း အေၾကာင္းၾကားလာတယ္။ တရားခံအျမန္ဆုံးဖမ္းႏိုင္ေအာင္ရွာေဖြေနတယ္ေပါ့။ က်ေနာ့္မွာေတာ့ ဘာရန္ညိဳးရန္စမွ မရွိပါဘူး။ ခက္တာက က်ေနာ္တို႔က နယ္စပ္ၿမိဳ႕ဆိုေတာ့ လူကစုံတယ္။ တမူးမွာ လက္နက္နဲ႔ပစ္တယ္ဆို တရားခံဘယ္သူဘယ္ဝါမွန္းမသိရတာမ်ားတယ္။ က်ေနာ္တို႔ လႊတ္ေတာ္ကိုယ္စားလွယ္ေတြ လုံၿခဳံေရးဟာ အၿမဲၿခိမ္းေျခာက္ ခံေနရတာ။ အနယ္နယ္အရပ္ရပ္က လႊတ္ေတာ္ကိုယ္စားလွယ္ေတြလဲ ႀကဳံေတြ႕ေနရတယ္။ ရဲဆိုတာက အင္အားက လုံေလာက္မႈက ဘာမွသိပ္ရွိတာမဟုတ္ဘူး။ က်ေနာ္တို႔က ႏိုင္ငံေရးသမားဆိုေတာ့ လုပ္စရာရွိတဲ့ အလုပ္ကို ဆက္လုပ္ရမွာပဲ။ အခုျဖစ္စဥ္နဲပတ္သတ္ၿပီး ဘာေျပာခ်င္လဲဆိုေတာ့ က်ေနာ္တင္မကဘူး လႊတ္ေတာ္ကိုယ္စားလွယ္အားလုံးရဲ႕ လုံၿခဳံေရးအတြက္ပါ စိန္ေခၚမႈတရပ္ျဖစ္ေနတယ္လို႔ ေျပာခ်င္ပါတယ္ ” လို႔ ေျပာပါတယ္။
လႊတ္ေတာ္ကိုယ္စားလွယ္ရဲ႕ မိသားစုဝင္ေတြမ်က္ျမင္အရေတာ့ ဆိုင္ကယ္စီးနင္းလာတဲ့ လူႏွစ္ေယာက္က ေနအိမ္ေရွ႕မွာ ဆိုင္ကယ္ရပ္တန႔္ခဲ့ၿပီး ဗုံးကို ပစ္ခ်သြားတာ ျဖစ္တယ္လို႔ ဆိုပါတယ္။
ၿမိဳ႕နယ္တခ်ိဳ႕က လႊတ္ေတာ္ကိုယ္စားေတြမွာလဲ အလားတူ ပုံစံအမ်ိဳးအမ်ိဳးနဲ႔ ၿခိမ္းေျခာက္ခံရတာေတြအပါဝင္ အၾကမ္းဖက္ခံရတာေတြလဲ ရွိေနၿပီး ၿပီးခဲ့တဲ့ ႏိုဝင္ဘာလအတြင္းမွာလဲ ရခိုင္ျပည္နယ္နဲ႔ ခ်င္းျပည္နယ္အစပ္ ပလက္ဝၿမိဳ႕နယ္က လႊတ္ေတာ္ကိုယ္စားလွယ္ဦးေဝွတင္း ကိုု AA လက္နက္ကိုင္အဖြဲ႕က ဖမ္းဆီးေခၚေဆာင္ျခင္းကို ခံခဲ့ရပါတယ္။
စစ္ကိုုင္းတိုုင္းတမူးျမိဳ႕မွာ အိႏိၵယခြဲထြက္ေရးသူပုုန္တခ်ိဳ႕ ပံုုစံမ်ိဳးစံုုနဲ႕ ေနထိုုင္သလိုု တခ်ိဳ႕ဆိုုရင္ ကေလးျမိဳ႕ဘက္ေတြထိ ေရာက္ရွိပ်ံ႕ႏွံ႕ေနထိုုင္ၾကတယ္လိုု႕ ေဒသခံေတြ အေျပာအရသိရပါတယ္။ ျမန္မာအစိုုးရက အိႏိၵယနဲ႕ေတြ႕တဲ႕အခါတုုိင္း ဒီခြဲထြက္ေရးသူပုုန္ေတြကိုု တိုုက္ထုုတ္ေပးပါ့မယ္လိုု႕ ကတိေတြေပးခဲ႕သလိုု အိႏိၵယဘက္က အကူညီေတြလည္း မၾကာခဏ ယူရတဲ႕ အေထာက္အထားေတြ ရွိခဲ႕ပါတယ္။
#voiceofmyanmar #တမူး #အိႏိၵယခြဲထြက္ေရးသူပုုန္ #ကသည္း #လႊတ္ေတ္ာအမတ္အိမ္ဗံုုးပစ္ခံရ
